集換式牌遊戲SHADOWVERSE登陸香港

由CY Games同武士道聯合發行嘅集換式卡牌遊戲Shadowverse唔單止畫風精美，遊戲性都足夠，各個職業之間獨特嘅系統令你可以同唔同嘅玩家對戰時有唔同嘅體驗。六大職業分別係擅長資源控制同卡片combo嘅妖精﹑以快攻同人海戰術係前期佔盡優勢嘅皇家騎士﹑以增加費用同埋單卡能力壓制龍族﹑以法術去控制場面嘅巫師﹑以墓地作為資源同埋捨棄對手手牌嘅吸血鬼﹑仲有就係以護符加護同埋回復能力見稱嘅主教，配合埋中立陣營嘅卡牌組成唔同嘅牌組，發揮每個職業嘅特式去享受集換式卡牌果種人與人交流嘅樂趣。

CY games出得game就一定少不免同其他作品聯動，黎緊十月一日佢地就會率先同賽馬娘合作，推出全新一彈嘅擴充包同埋基礎卡組，亦都會帶黎除左以職業為基礎以外新嘅構築牌組嘅方法。新構築方法就好似以往武士道嘅WS咁以作品為基礎去組成卡組，目前官方仲未公佈晒所有馬娘作品嘅卡牌，如果對shadowverse有興趣嘅玩家可以向我地查詢同埋預訂。